ZIYARAN GWAMNA KASAR CHINA KWALLIYA ZA TA BIYA KUDIN SABULU!

Daga Balarabe Shehu Ilelah
______________________________________________
A sakamakon ziyarar da gwamnan Jihar Bauchi M A Abubakar Esq, ya kai china, wata tawagar kwararru kan aikin noma wadanda kuma ke da sha'awar zuba jari a aikin gona ta iso Bauchi domin ziyarar gani da ido . makasudin zuwansu dai shi ne 1. ganin filayen noma da jihar bauchi ke da su domin su bude katafaren gonan noman abubuwa daban daban a jihar Bauchi, sannan su taimaka wajen hadinguiwa da manomanmu da kuma horas da su hanyar noman zamani ta yadda Jihar Bauchi za ta yi fintinkau wa sauran jihohi wajen aikin gona a Nijeriya. tawagar ta ziyarci  wani makeken filin noma a gadar maiwa da Giwo Farms a Alkaleri inda ta ga gonakin kankana da gyada da masara da shinkafa da sauransu .2. tawagar na da sha'awar karbar kamfanin nama na Bauchi domin sake farfado da shi kuma ta ziyarci kamfanin naman a Bauchi .3 Tawagar ta ziyarci kamfanin yin takin zamani na Bauchi , a nan ma ta nuna sha'awarta na karbar wajen domin  farfado da shi da kuma bunkasa shi ta yadda za ta samar da takin zamani  Nijeriya baki daya. Wadanda suke zagawa da  tawagar ta mutanen  kasar China sun hada da  Eng Habu Mamman  da Kwamishina aikin gona na jiha da Gneral Manager  na Kamfanin nama na bauchi Dr. Kassim da  Manajojin aikin gona  Alhaji Sade da Yariman Gital  da Shugaban kamfanin zuba jari na Bauchi da dai sauran wadanda Gwamanan ya wakilta. Za mu cigaba da kawo muku ayyukan da  tawagar ke yi na ziyarce ziyarce a Bauchi. Allah sa wannan ziyarar ta amfani al'ummar jihar Bauchi da Nijeriya baki daya.